dhj42019
Rreziku kardiovaskular. Rezultate të reja inkurajuese në kongresin AHA 2019
Me rastin e kongresit të Shoqatës Amerikane të Zemrës (AHA) të mbajtur në Filadelfia, u prezantuan rezultatet e dy analizave të kombinuara të 4 studimeve klinike të fazës 3 mbi acidin bempedoik, të indikuar për njerëzit me hiperkolesterolemi dhe rrezik të lartë kardiovaskular, që nuk arrijnë nivelet e synuara të kolesterolit LDL (C-LDL). Medikamenti, kërkesa për hedhje në treg e të cilit është ende në vlerësim, që i shtohet dozës maksimale të toleruar të statinave, ka ulur C-LDL dhe, në pacientët diabetikë të trajtuar për 12 javë, ka reduktuar hemoglobinën A1c, krahasuar me trajtimin me placebo.
"Ka prova që tregojnë se disa trajtime për uljen e lipideve mund të rrisin rrezikun e diabetit, kështu që është inkurajuese për ne të vëzhgojmë se acidi bempedoik, duke iu shtuar terapive paraekzistuese, ul kolesterolin pa ndikuar negativisht në kontrollin e glicemisë", tha Wolfgang Zierhut (Daiichi Sankyo Europe). Gjatë një prezantimi tjetër, i cili përfshinte një analizë të studimit FOURIER, janë paraqitur avantazhet e trajtimit me evolocumab te pacientët e goditur nga infarkti në vitin paraardhës, që janë në rrezik për një event të mëtejshëm më të madh kardiovaskular sesa ata që janë goditur kohë më parë.
Bari, i aprovuar në më shumë se 70 vende, uli rrezikun në masë më të madhe te pacientët që kishin pësuar infarkt së fundi. Për më tepër, nuk ka patur pasoja në funksionin konjitiv të raportuar nga pacientë me sëmundje kardiovaskulare të qëndrueshme, edhe pse me nivele shumë të ulëta C-LDL.
Analiza të reja janë bërë edhe për studimin e fazës III PARAGON-HF të realizuar mbi pacientët që vuajnë nga insuficienca kardiake me fraksion ejeksioni të ruajtur (HFpEF).
Disa nëngrupe mund të kenë përfitime nga trajtimi me sacubitril/valsartan, i aprovuar për insuficiencën kardiake me fraksion ejeksioni të ulur, krahasuar me trajtimin vetëm me valsartan. Është vëzhguar një reduktim i rrezikut në numrin e të shtruarve në spital për insuficiencë kardiake dhe vdekshmëri për shkaqe kardiovaskulare, sidomos te gratë dhe te pacientët që i janë nënshtruar skrinimit gjatë shtrimit ose brenda 0 ditëve që e pasojnë.
Analiza agregate e të dhënave të PARAGON-HF dhe PARADIGM-HF tregon përfitime maksimale në rastin e pacientëve me fraksion ejeksioni ventrikular sinistra të ulur në 60%.
"Të dhënat ndihmojnë për të kuptuar më mirë natyrën heterogjene të HFpEF dhe potencialin përfitues të sacubitril/valsartan për kë ka nevojë për një opsion terapeutik", ka deklaruar Scott Solomon (Brigham and Women's Hospital, SHBA).
Deklaratë për shtyp