pri32020
Coronavirusi. Mos i nënvlerësoni simptomat e një infarkti. Indikacionet e kardiologëve spitalorë
Nëse keni simptomat e një infarkti, duhet të shkoni në urgjencë, pavarësisht emergjencës së coronavirusit. Duhet theksuar se vetë virusi mund ta rrisë rrezikun e tij me 6 herë. "Edhe në një moment historik të urgjencës mjekësore, kur është mirë të shkoni në urgjencë sa më pak të jetë e mundur për të shmangur mundësinë e infektimit, është e rëndësishme të kujtojmë se pacientët me sëmundje të zemrës janë ende në rrezik, veçanërisht ata që vuajnë nga sëmundjet ishemike të zemrës dhe nga insuficienca kardiake", tha Fabrizio Oliva nga spitali i Niguardas.
Oliva deklaroi se në Qendrën e Zemrës në Niguarda ekziston një perceptim i alarmit të vënë nga Shoqata Italiane e Kardiologjisë, e cila mbështetet edhe nga ANMCO (Shoqata Kombëtare e Kardiologëve Spitalorë). Në fakt, duket se një nga dy pacientë kardiakë po i shmang kontrollet pikërisht nga frika e infektimit me coronavirus, kur "përkundër situatës së komplikuar shëndetësore në të cilën gjendemi, janë ruajtur rrugët e mbrojtura për pacientët që vuajnë nga probleme akute kardiologjike dhe që kanë nevojë për ndihmë në urgjencë. Në të gjithë Italinë janë aktive rrjetet e infarkteve".
Siç del nga Konferenca Kombëtare e Kardiologjisë e organizuar çdo vit nga fondacioni Angelo De Gasperis, kardiopatiku është më i prirur për ndërlikime të sindromave të gripit, veçanërisht në rastet insuficiencës kardiake dhe/ose komorbiditetit, siç është diabeti ose sëmundjet kronike të mushkërive. Sidoqoftë, gripi mund të rrisë rrezikun e infarktit deri në 6 herë edhe te njerëzit pa sëmundje të zemrës, veçanërisht nëse janë të moshuar ose me faktorë të dukshëm të rrezikut kardiovaskular. Mos harroni se, megjithëse rrallë, virusi mund të sulmojë muskulin e zemrës. Prandaj është e nevojshme që dikush që vuan nga zemra, të përballet me urgjencën aktuale me shumë kujdes, duke respektuar të gjitha masat higjienike dhe një stil jetese që mund të reduktojë mundësinë e infektimit.
Fondazione De Gasperis:
https://www.degasperis.it
Convegno nazionale di Cardiologia:
https://www.degasperis.it/notizie/436/54_convegno_cardiologia.html