FDA miraton një bar të ri për menaxhimin kronik të peshës

tags: obeziteti, OBSH, BMI, CDC, FDA, Placebo

Artikuj lidhur

22-12-2022 | Mbipesha dhe obeziteti. Jo vetëm probleme fizike, por edhe cerebrale

08-03-2021 | Mbipesha e fëmijëve. Antidiabetiku metforminë mund të jetë një mundësi e dobishme

19-05-2023 | Obeziteti, OBSH: 25% e të rinjve shqiptarë janë obezë. Në vitin 2035, 37% e shqiptarëve do të jenë obezë

"Food and Drug Administration" ka miratuar naltrexon hidrokloridin dhe bupropion hidrokloridin si mundësi trajtimi për menaxhimin kronik të peshës, duke shoqëruar një dietë hipokalorike dhe aktivitetin fizik.
Bari është miratuar për përdorim te të miturit me një tregues të peshës trupore (BMI) të barabartë ose më të lartë (obezitet) se 30 dhe te të rriturit me një BMI të barabartë ose më të lartë se 27 (mbipeshë), të cilët kanë të paktën një problematikë të lidhur me peshën, si hipertensioni, diabeti i tipit 2, ose dislipidemi. BMI, mat yndyrën trupore në bazë të peshës dhe lartësisë së një individi si dhe përdoret për të përkufizuar obezitetin dhe kategoritë e peshës së shtuar. "Sipas Centers for Disease Control and Prevention" më shumë se një e treta e të rriturve në Shtetet e Bashkuara janë obezë.
Është fjala për një kombinim të naltrexon-it me bupropion-it në një formulim të vetëm, me lëshim të zgjatur të barit.
Naltrexon-i është aprovuar për trajtimin e alkoolit dhe varësisë së opiateve. Bupropion-i është miratuar për trajtimin e depresionit dhe çrregullimit emocional stinor ose si një ndihmë për të hequr dorë nga duhani.
Efikasiteti i barit është vlerësuar në studime të ndryshme klinike që kanë përfshirë rreth 4.500 pacientë obezë dhe mbi peshë, me dhe pa faktorë domethënës të lidhur me peshën, të cilët janë trajtuar për një vit rresht. Të gjithë pacientët kanë modifikuar stilin e tyre të jetesës me një dietë hipokalorike dhe aktivitet të rregullt fizik.
Rezultatet e një studimi klinik që ka ekzaminuar pacientët pa diabet kanë treguar se ata kanë pasur një rënie më peshë mesatarisht me 4.1% në krahasim me trajtimin me placebo (pilulë inaktive) në një vit. Në këtë lloj studimi, rreth 42% e pacientëve të trajtuar me kombinimin e barnave të aprovuara nga FDA ka humbur të paktën 5% të peshës së vetë trupore në krahasim me 17% të pacientëve të trajtuar me placebo.
Rezultatet e një studimi klinik që ka ekzaminuar pacientë me diabet të tipit 2 ka treguar se pacientët kanë pasur një rënie në peshë mesatarisht prej 2% në krahasim me trajtimin me placebo. Në këtë studim 36% e pacientëve të trajtuar me naltrexon dhe bupropion ka humbur të paktën rreth 5% të peshës trupore në krahasim me 18% të pacientëve të trajtuar me placebo.
Meqë përmban bupropion, konfeksioni sjell një "boxed warning" për të lajmëruar operatorët shëndetësorë dhe pacientët për një risk në rritje të shtimit të mendimeve vetëvrasëse dhe sjellje të asociuara me barna antidepresivë. Paralajmërimi tregon gjithashtu se situata të rënda neuropsikiatrike janë raportuar te pacientët që mernin bupropion si ndihmë për të lënë duhanin. FDA ka kërkuar studime të ndryshme post-marketing.