dhj22015
Hepatiti C, risi të rëndësishme rreth terapive të reja
Risi të shumta janë ka pasur për sa i përket trajtimit të infeksioneve nga Hcv. Këto të reja u prezantuan në "The liver meeting", kongres vjetor i organizuar nga "American Association for the Study of Liver Diseases" (Aasld) që u zhvillua në San Francisco mes 13 - 17 nëntorit. Ndër studimet e prezantuara spikasin ato që kanë të bëjnë me kombinimet grazoprevir/elbasvir dhe viekirax/exviera, këto të fundit të indikuara në veçanti, në kongresin e infeksioneve nga virusi me gjenotip 1. Kopja e parë e barnave është testuar në studimet e fazës së II dhe të III, në regjim mono doze ditore me cikle terapie të shkurtër por efikasë dhe jo toksikë, në popullsinë e pacientëve transversalë me gjenotipe të ndryshme dhe me nevoja të ndryshme terapeutike duke përfshirë pacientët me cerozë, me ko-infeksion Hiv-Hcv, me insuficiencë renale në gradën e fundit ose që kanë dështuar ndaj regjimeve të mëparshme terapeutike edhe me inhibitorë të proteazës së gjeneratës së parë. Në pjesën më të madhe të pacientëve është arritur një rezultat i lartë i SVR-së (Sustained Virological Response) që kalon 90% pas 12 javësh trajtim. Të dhënat janë konsideruar me rëndësi të lartë klinike nga FDA (Administrata e Barnave dhe Ushqimit në SHBA), që ka caktuar lidhjen ndërmjet grazoprevir dhe elbasvir si "terapi inovative". Së fundmi dhe EMA (Agjencia Evropiane e Barnave) ka dhënë nga ana e saj aprovimin duke filluar terapinë me procedura të përshpejtuara për autorizimin e futjes në treg të barnave. Përgjigja virologjike u përfshi midis 92 dhe 97%.
Nga një studim i fazës së IIIb, mbërrijnë rezultatet e prezantuara në San Francisco për sa i përket terapisë së bazuar në viekirax + exviera, te pacientët e rritur me infeksion kronik nga virusi me gjenotip 1, duke përfshirë studimet në pacientë me sëmundje renale kronike dhe gjenotip 1b me cerozë të kompensuar. Kërkimi Topaz-II, që vazhdon edhe sot, është zhvilluar në 615 pacientë të rritur me infeksion kronik nga virusi me gjenotip 1a dhe 1b. Rezultatet tregojnë se 95% e pacientëve që kanë marrë pjesë në studim e kanë marrë përgjigjen virologjike kur kanë mbetur edhe 12 javë nga fundi i trajtimit, pas 12 apo 24 javësh trajtim, duke arritur kështu një nga endpoint-et sekondare të parashikuara nga studimi. Ky regjim terapeutik është aprovuar tashmë në Evropë për trajtimin e pacientëve të prekur nga virusi me gjenotip 1. Viekirax, i vetëm, është aprovuar në fakt si terapi për pacientët me gjenotip 4. Kombinimi, megjithatë, nuk është i këshillueshëm për trajtimin e pacientëve të prekur nga dëmtimi hepatik në gradë të rëndë (klasa Child-Pugh B dhe C) për shkak të rrezikut të mundshëm toksik.
Përktheu: Erjola Taga