dhj222015
Leucemia limfocitare kronike, progres terapeutik me idelalisib
Progrese të reja në trajtimin e leucemisë limfocitare kronike (Llc) falë përpjekjes së idelalisib, themelues i një klase të re barnash (të ashtuquajturit "molekula të vogla") në kombinim me antitrupin rituximab (BR) si shtesë e barit kemioterapeutik bendamustina te pacientët që janë trajtuar më parë. Këtë gjë e tregojnë rezultatet e një studimi të fazës 3 të prezantuar në Orlando (SHBA) gjatë kongresit të Shoqërisë Amerikane të Hematologjisë (ASH). Është provuar se trajtimi me idelalisib në bashkëpunim me kemioterapinë, krahasuar me trajtimin vetëm me këtë të fundit, ka përcaktuar te pacientët një reduktim prej 67% të riskut të progresionit të sëmundjes ose të vdekshmërisë (mbijetesa e ndarë nga progresioni: Pfs; hazard radio [HR]: 0,33; p <0,0001). Për më tepër të gjitha endpoint-et sekondare, duke përfshirë mbijetesën globale OS), kanë arritur rëndësinë statistikore. Në studim janë regjistruar 416 pacientë të rritur, të prekur nga leucemi limfocitare kronike, të trajtuar më parë, në të cilët sëmundja kishte përparuar më pak 36 muaj pas plotësimit të terapisë parandaluese dhe nuk kishte rezultuar e fortë ndaj bendamusinës. Pacientët u ndanë në mënyrë rastësore (1:1) për të marrë 6 cikle rituximab me idelalisib 150 mg në harkun e 24 javëve, ose rituximab me placebo në rrugë orale dy herë në ditë deri në progresionin e sëmundjes ose toksicitet të papranueshëm.
Mbijetesa e ndarë nga progresioni për pacientët e trajtuar me idelalisib bashkë me rituximab ishte 23.1 muaj krahasuar me 11.1 muaj për pacientët e trajtuar me placebo plus Br. Për më tepër te pacientët me një delecion 17p ose mutacion Tp 53 dhe me anomali gjenetike të lidhura me prognozë jo të favorshme, ka pasur një reduktim me 50% të riskut të progresionit të sëmundjes ose vdekjeve (Hr = 0,50).
"Duke i shtuar idelalisib, antitrupin rituximab kemi pasur një përmirësim domethënës jo vetëm nga ana statistikore por edhe nga ajo klinike për sa i përket Os dhe Pfs, një standard aktual i kurimit të Llc të përkeqsuar/refraktare", nënvizoi Andreë D. Zelenetz, i "Sloan Kettering Memorial Cancer Center" në Neë York. "Për më tepër trajtimi me idelalisib i ka sjellë edhe përfitime pacientëve me faktorë gjenetikë të lidhur me një prognozë më të rëndë". "Studimi është një eksperimentim ndërkombëtar që ka përfshirë 416 pacientë në të gjithë botën. Është zhvilluar në të sëmurë të trajtuar paraprakisht dhe ka nxjerrë në pah superioritetin e qartë të trajtimit që përfshinte idelalisib krahasuar me trajtimin vetëm me kemioterapi", thekson Marco Montillo, koordinator i Komisionit të leucemisë limfocitare kronike të Rrjetit hematologjik lombard. "Idelalisib, inhibitor oral i enzimës PI3K, një molekulë e rëndësishme në transmetimin e sinjalit brenda qelizës, në bashkëpunim me antitrupin monoklonal rituximab, është treguar i aftë për të zgjatur intervalin e lirë të sëmundjes në një popullatë pacientësh me Llc dhe me një histori të gjatë trajtimesh të mëparshme", shpjegon studiuesi.
Molekula e vogël, ndryshe nga kemioterapikët nuk ka si qëllim të fundit shkatërrimin e ADN-së, por reagon në mënyrë selektive te sinjalet me mungesë rregullsie që vijnë në nivelin e qelizave të sëmura duke përcaktuar një përhapje të pakontrolluar", vijon më tej Montillo. Duke bllokuar këtë mekanizëm aktivizimi, specifikon ai, idelalisib i lejon qelizës neoplastike të ndërpresë rrethin vicioz të rritjes për të nisur një vdekje spontane: aksioni ka këtë qëllim sepse bari bllokon kryesisht qelizat neoplastike duke ushtruar vetëm një interferencë modeste me ato të shëndetshmet, me avantazh të plotë ndaj cilësisë së jetës së pacientit, përkundrazi me atë që ndodh me kimioterapinë mund të sjellë efekte sekondare që nuk mund të neglizhohen, mbi të gjitha në pacientët e moshuar që nuk e tolerojnë mirë", përfundon Montillo. Bari është sot i dispunueshëm për pacientët italianë (është në treg nga shtatori 2015).
Përktheu: Erjola Taga