qer72016
Qelizat staminale hemopoietike: gjurmohet për herë të parë jeta e tyre pas transplantit
Aktiviteti dhe mbijetesa e qelizave staminale hemopoietike pas transplantit te njeriu janë zbuluar për herë të parë në botë nga një studim i zhvilluar prej ekipit të institutit "San Raffaele Telethon" për terapinë gjenike (SR -Tiget) në bashkëpunim me GlaxoSmithKline (Gsk), për sindormën Wiskott (Was), një imunodeficencë e rrallë dhe e rëndë kongjenitale.
Autorët kanë studiuar evolucionin e qelizave staminale pas një transplanti me korrektime gjenike, duke identifikuar edhe kohën kur staminalet hemopoietike ndahen në qeliza mature dhe shndërrohen në qeliza të domosdoshme për jetën e pacientit, të tilla si: qelizat e sistemit imunitar, qelizat e kuqe dhe të bardha të gjakut. Ekipi i SR-Tiget ka arritur të gjurmojë historinë e qelizave staminale hemopoietike në sajë të një kodi të vërtetë molekular që mbetet i mbërthyer në qeliza pas modifikimit gjenetik.
"Kur qelizat staminale të të sëmurit korrigjohen, gjeni terapeutik integrohet në gjenom në pika të ndryshme nga qeliza në qelizë, duke u bërë një simbol dallues pra një 'barcode' molekular, që mund të njihet pasi staminalet hemopoietike të modifikuara janë ri-injektuar te pacienti. Jo vetëm: barcode trashëgohet nga qelizat bija, të gjeneruara për t'u diferencuar nga staminalet që kanë zënë rrënjë te pacienti", shpjegon Luca Biasco, autor i parë dhe koordinator i studimit bashkë me Alessandro Aiuti, prof. asc. i pediatrisë në Universitetin "Vita Salute San Raffaele" në Milano dhe koordinator i fushës klinike SR-Tiget.
"Ky studim tregon edhe njëherë potencialin e një sinergjie efikase mes kërkimit të bazës dhe aktivitetit klinik, duke na lejuar të kuptojmë plotësisht cilësitë biologjike dhe potencialet teraputike të qelizave staminale hemopoietike të korrigjuara gjenetikisht. Rezultatet konfirmojnë vlefshmërinë e strategjisë së përdorur në Institutin tonë për të kuruar sëmundjet gjenetike të rralla dhe kanë përsëritje të rëndësishme edhe në fushën e transplanteve të palcës së kockës dhe kurës së tumoreve".
Cell Stem Cell 2016. doi: 10.1016/j.stem.2016.04.016
http://www.cell.com/cell-stem-cell/fulltext/S1934-5909(16)30083-2