Focus

maj232019

Sindroma e lodhjes kronike nuk është imagjinare. Krijohet testi diagnostikues

Një ekip i Universitetit të Stanfordit, në SHBA, ka zhvilluar një test gjaku prototip, për të bërë në mënyrë objektive diagnostikimin e sindromës së lodhjes kronike. Në SHBA, ka rreth 2 milionë njerëz të prekur nga encefalomieliti mialgjik/sindroma e lodhjes kronike (ME/CFS), patologji që mund të nisë nga një kombinim faktorësh dhe karakterizohet nga një ezaurim psikofizik dhe simptoma të tilla si ndjeshmëria ndaj dritës dhe dhimbjet e përhapura.

"Shumë shpesh, kjo sëmundje katalogohet si imagjinare", konfirmon Ron Davis. Aktualisht, në fakt, nuk ekziston një bioshënjues dhe diagnoza bëhet me përjashtim. Gjithashtu, të gjitha ekzaminimet klinike të përshkruara nga mjeku me qëllim kontrollin e funksionalitetit hepatik, renal dhe kardiak të pacientëve, ashtu si edhe analizat e gjakut dhe numërimi i qelizave imunitare rezultojnë normale.

Testi i ri, ende në fazë pilote, është vënë në punë nëpërmjet një studimi të publikuar në "PNAS", që ka përfshirë 40 individë, 20 me ME/CFS dhe 20, të shëndetshëm. Bëhet fjalë për një test biokimik që vlerëson mënyrën se si qelizat imunitare i përgjigjen stresit të fortë. Te pacientët e prekur nga ME/CFS stresi shkakton modulimin e ekzagjeruar të ngarkesës elektrike të qelizave, të mbledhura përmes një mostre gjaku.
Ndryshimi i madh i ngarkesës elektrike është një shenjë që tregon se qelizat dhe plazma dridhen nën stres dhe nuk janë në gjendje të zhvillohen në mënyrën e duhur. "Studimi ynë ofron një provë shkencore që tregon se kjo sëmundje nuk është shpikje e pacientëve", shpjegon Davis. Testi mund të përdoret edhe për të studiuar efikasitetin e barnave të mundshme, por më parë është e nevojshme të vlerësohet në një numër më të gjerë subjektesh.


PNAS 2019. doi: 10.1073/pnas.1901274116
https://www.ncbi.nlm.nih.gov/pubmed/31036648


Download Center

Principi e Pratica Clinica
Artikuj të shkëputur
shkoni në download >>
separa
Principi e Pratica Clinica
Urdhëra dhe Udhëzime
shkoni në download >>
separa
Principi e Pratica Clinica
Projektligje dhe Ligje
shkoni në download >>