pri282020
Oftalmologët: Cilat janë efektet e karantinës mbi shikimin dhe masat që duhen marrë
Efekte negative nga karantina për shkak të Covid-19, ka patur gjithashtu edhe shikimi. Kjo vlen për të rriturit por, sipas ekspertëve, do të ndikojë edhe mbi të gjithë fëmijët që do të kenë rrezikun më të madh të problemeve vizuale dhe lodhjes së syve. Koha e kaluar para videotelefonatave është rritur për të gjithë për shkak të punës online ose, në rastin e të rinjve, nga mësimi në distancë dhe përdorimi i zgjatur i tyre. Bashkë me aktivitetet e kryera në shtëpi, ky paraqet një nga faktorët kryesorë të rrezikut nga tharja e syrit.
"Zhvillimi, por edhe rëndimi i simptomave të syrit të thatë janë të lidhura edhe me llojin e mikro mjedisit. Le të mendojmë për përqindjen e lagështisë ose grimcave që mund të gjenden brenda shtëpive", shpjegoi Romina Fasciani, anëtare e bordit drejtues të Shoqatës Italiane të Oftalmologëve (AIMO), duke nënvizuar rëndësinë e zgjedhjes së mjedisit në të cilin duhet të punoni në shtëpi. Dëmet e tjera të mundshme janë gjithashtu shqetësuese, përfshirë faktin se mungesa e jetës në ajër të hapur duket se ndikon në rritjen e miopisë. Përveç kësaj, njerëzit tani kanë më shumë të ngjarë të përdorin telefona celularë që me shkrimin e tyre shumë të vogël detyrojnë që syri t'i kushtojë më shumë vëmendje, gjë që zvogëlon kapsallitjet e pavullnetshme nga çdo 3/4 sekonda, në çdo 7/10. "Kjo shkakton tharjen e syrit, si dhe simptoma të dhimbjes së syve, dhimbje koke periorbitale dhe djegie sysh", vazhdon Carlo Orione, kreu i AIMO-s për rajonin e Piemontes. Fëmijëve u këshillohet që të shikojnë larg për 10 minuta pas çdo 50 minutave studim. Sidoqoftë, kjo stimulohet edhe me rekomandimin e "leximit 30 centimetra larg".
Në Shtetet e Bashkuara, një kolir me bazë atropine, duket se zvogëlon përkeqësimin e miopisë te të rinjtë. Një aspekt tjetër i punës në shtëpi i theksuar nga Luigi Marino, është mungesa e socializimit dhe pauzave, që na shtyn të kalojmë nga njëra pajisje në tjetrën. Përveç më shumë sëmundjeve mes të rinjve, eksperti i frikësohet hipertrofisë së muskujve të murit të brendshëm të syrit, reduktimit të kapsallitjes së qepallave dhe "madje edhe avullimit të syrit të thatë, për shkak të përdorimit të maskave".
Ç'të bëjmë atëherë? Përdorimi i lotëve artificialë, pirja e ujit, mospasja e një pozicioni fiks, ecja sa më shumë që të jetë e mundur dhe të shikoni jashtë për ca kohë, pasi të kaloni 20 minuta në pajisje elektronike.