maj112020

Maskat një përdorimëshe mund të përdoren sërish nëse sanifikohen me avull

Artikuj lidhur

03-02-2022 | Covid-19. Ja, si përhapet virusi në ambiente të mbyllura. Studimi italian

11-05-2021 | Covid-19 nuk është zhdukur. Silva Bino: Mos i hiqni maskat. Mund të ketë shpërthime aty ku virusi gjen terren

20-11-2020 | Maskat mbrojnë edhe ata që i mbajnë, jo vetëm të tjerët. Ja, cilat funksionojnë dhe cilat jo

Sipas një studimi të botuar në "Journal of Medicalologyology", maskat kirurgjikale janë të përshtatshme për t'u vetëmbrojtur nga coronavirusi i ri në shumicën e situatave sociale dhe si ato, ashtu edhe maskat e tipit N95, mund të ripërdoren për disa ditë, duke i sanifikuar me avull pas përdorimit.

Mbajtja e maskave kirurgjikale ose N95 mund të ngadalësojë përhapjen e virusit dhe të zvogëlojë rrezikun e infektimit. Edhe pse këto maska janë vetëm për një përdorim dhe duhet të hiqen dhe të hidhen me kujdes sipas udhëzimeve të prodhuesve, ripërdorimi i tyre jo në situata emergjente është praktikuar për dekada edhe në vendet e zhvilluara, për të zvogëluar mbeturinat e panevojshme", shpjegon Qing - Xia Ma (Universiteti Bujqësor Qingdao, Kinë), autori kryesor i studimit. "Ripërdorimi i këtyre maskave mund të minimizojë mbeturinat, të mbrojë mjedisin dhe të ndihmojë në zgjidhjen e mungesës aktuale të pajisjeve mbrojtëse", vazhdon Ma. Dezinfektimi i kujdesshëm i maskave të përdorura, për një ripërdorim të sigurt është i nevojshëm, por dekontaminimi jo i duhur mund të dëmtojë funksionin bllokues të maskave.

Studiuesit, duke përdorur coronavirusin e shpendëve për të imituar coronavirusin e ri Sars-CoV-2, demonstruan se maska kirurgjikale dhe maskat N95 ruajtën efikasitetin e tyre bllokues pasi u ekspozuan në avull mbi ujë të vluar deri në dy orë. Në fakt, coronavirusi i shpendëve u çaktivizua plotësisht pasi u ekspozua në avull për pesë minuta. Ata gjithashtu treguan se tre marka të maskave kirurgjikale bllokuan mbi 99% të viruseve që përmban aerosoli.
"Studimi ynë sugjeron që maskat kirurgjikale dhe ato të tipit N95 mund të përdoren për një periudhë prej shtatë deri në dhjetë ditësh, nëse mbahen të pastra dhe nuk dëmtohen nga faktorë të tjerë. Ky rezultat është shumë i vlefshëm në zgjidhjen e mungesës së madhe të maskave në shumë vende që po luftojnë me pandeminë Covid-19", përfundojnë autorët.

J Med Virology 2020. Doi: 10.1002/jmv.25921
https://doi.org/10.1002/jmv.25921