Udhëzimet ACOG për vlerësimin e rrezikut të trashgimisë së tumoreve gjinekologjike

Sipas "American college of obstetrics and gynecology (Acog)", vlerësimi i rrezikut për trashëgiminë është çelësi për identifikimin e pacientëve dhe familjeve me mundësi më të larta për të zhvilluar disa tumore gjinekologjike. "Gjinekologët kanë një rrol të rëndësishëm në identifikimin e grave të cilat e kanë këtë rrezik-, thotë Nancy Rose e "University of Utah School of Medicine in Salt Lake City" si dhe presidente "Committee on genetics of Acog" duke shpjeguar se objektivi i dokumentit të publikuar te "Obstetrics and Gynecology" është që të përshkruhen rreziqet e trashëgueshme të cilët lidhen me kancerin e gjirit, me kancerin e vezoreve dhe kancerin e endometrit. Udhëzimet rekomandojnë që pacientet të cilat nga analizat janë klasifikuar me një sindromë të mundshme neoplastike të trashueshme, e cilësuar shpesh si një predispozitë gjenetike për disa lloje të kancerit, të cilat shkaktohen shpesh nga shndërrime gjenetike për shkak të dy ose më shumë geneve, ti dërgohen një gjenetisti. Një pjesë e madhe e këtyre sindromave janë autosomike dominuese dhe shume prej tyre përkthehen edhe si tumore multiorganike-, vazhdon më tej gjinekologia duke listuar rekomandimet e dokumentit të ACOG: mjekët duhet të bëjnë një vlerësim të rrezikut të trashëgueshmërisë mbi të gjitha pacientet e tyre, duke mbledhur historinë onkologjike personale dhe familjare, duke mbajur shënim të llojit të kancerit, të moshës kur filloi dhe të familjarëve të prekur. Mes të dhënave të një rreziku të lartë për kancer, janë tumoret e diagnostikuar në moshë të vogël, neoplasitë e shumëfishta tek i njëjti individ ose tek i njëjti organ dhe një ose më shumë ta afërm me të njëjtin lloj kanceri. Kur vlerësimi i rrezikut të trashëguar sugjeron një sindromë neoplatike të trashëgueshme, një ekspert në gjenetikë duhet të kryejë, teste specifike dhe një zgjerim të vlerësimit të rrezikut-, thotë Rose, duke shpjeguar se sindroma e kancerit të vezoreve dhe kancerit të gjirit, sindroma e "Lynch", sindroma e "Li-Fraumeni" dhe ajo e "Cowden" ose e "Peutz-Jeghers" janë format më të zakonshme të kancerit të lidhura me neoplasitë gjinekologjike. 

Obstetrics & Gynecology. 2015. June 2015. Volume 125. Issue 6. p 1538-1543