Kush është Onejda Ymeraj?
Ajo do të drejtojë tanimë Agjencinë e Kontrollit të Barnave në vend. Ka studiuar në Bolonjë për Financë, dhe më pas ka kryer masterin në Financë, Ndërmjetës dhe Tregje financiare. Ajo ka punuar në sistemin bankar në Shqipëri në Menaxhim Risku për 3 vite. Prej më shumë se një viti ka qenë drejtuese e Spitalit Amerikan në Tiranë, eksperiencë kjo për njohjen e sistemit shëndetësor privat, por dhe marrëdhëniet me institucionet shëndetësore publike.
Doktor33.al ka kontaktuar me drejtuesen e re të institucionit më të rëndësishëm që kontrollon funksionimin e rregullave të lojës në tregun farmaceutik. Zonja Ymeraj shprehet e vendosur për të luftuar korrupsionin dhe kontrabandën në sektorin farmaceutik sipas kompetencave që i jep ligji kësaj agjencie.
"Do të kontrollohet çdo depo dhe farmaci dhe nuk do të ketë asnjë lëshim për askënd që shkel rregullat e vendosura. Në Shqipëri ka një perceptim negativ të njerëzve në lidhje me cilësinë e barnave. Objektivi im kryesor është ngritja e një laboratori modern për kontrollin e cilësisë së barnave që tregtohen në Republikën e Shqipërisë. Çdo mjek apo qytetar shqiptar që ka dyshime në lidhje me cilësinë dhe efektin e një medikamenti që përdor, do t'i ofrohet mundësia për të kërkuar analizën e këtij bari. Me mbështetjen e Ministrisë së Shëndetësisë do të përpiqem për realizimin e sistemit 'track and trace " i cili sjell siguri maksimale për barnat. Në këtë sistem do të përfshihen prodhuesit, grosistët , farmacitë", shprehet për Doktor33.al, drejtorja e AKKB-së.
E pyetur në lidhje me qëndrimin e saj ndaj kompanive farmaceutike zj.Ymeraj përgjigjet :