tet102017

Shëndetësia tanimë me katër zv/ministre, njëra prej tyre nga Prishtina. CV-të e tyre duken konkurruese

Artikuj lidhur

29-01-2024 | Autonomia spitalore. Marrin kartën, QSUT-ja, spitali i Durrësit, i Vlorës, i Lezhës dhe i Shkodrës

05-07-2023 | Qeveria vendosi: Studentët e Mjekësisë që nisin studimet këtë vit, kanë detyrimin për të ofruar shërbim shëndetësor 5 vite në vend

18-10-2022 | Krijohet Komiteti i Planifikimit Kombëtar Spitalor. Zgjidhet kryetar, prof. dr. Arben Baboci

Ministria e Shëndetësisë me strukturimin e ri, ku i është bashkangjitur edhe mbrojtja sociale, do të ketë katër zëvendësministre. Në krye të emrave të prezantuar qëndron Prof. Dr. Mira Rakacolli, e cila vjen po nga fusha e shëndetësisë, një ndër mjeket më të njohura në shërbimin e neurologjisë dhe pak para se të emërohej në këtë post ngriti dhe drejtoi shërbimin neurovaskular pranë Qendrës Spitalore "Nënë Tereza" .

Por po nga fusha e Shëndetësisë, por e angazhuar deri më tani në Kosovë, është emëruar zëvendësministre e Shëndetësisë në Tiranë, Ilirjana Bajraktari, e cila ka drejtuar një degë të një spitali privat të njohur në Shqipëri, por në Prishtinë.
Duke qenë se në këtë ministri kanë kaluar edhe çështje të tjera sociale, ish-zëvendësministrja e Mirëqenies Sociale, Bardhylka Kospiri, ka kaluar në Ministrinë e Shëndetësisë. 

Zv/ministrja e katërt është Ardiana Jaku, e cila ka studiuar në Shkencat e Natyrës, ka punuar në sistemin bankar dhe do të merret me mbrojtjen sociale.

Për më shumë lexoni CV për secilën (klikoni mbi emrat) 

Mira Rakacolli, Bardhylka Kospiri, Ardiana Jaku.

Alma Demiraj