pri62018

Specializimet në Mjekësi. Prof. Dr. Xheladin Dracini, dekan: Garantojmë proces transparent

Artikuj lidhur

20-10-2015 | Specializimet në mjekësi, në 6 nëntor intervistat me gojë dhe 9 nëntor testimi

28-08-2023 | “Mjekësi” 2023-2024. UMT: Këtë vit 40 kuota pranimi më shumë në Mjekësi të Përgjithshme

10-07-2023 | Vendimi detyrues për studentët e Mjekësisë. Prof. Draçini: Profesioni i mjekut nuk është privilegj, por përgjegjësi ndaj pacientit dhe shoqërisë

Testimi me shkrim për kandidatët që duan të ndjekin studimet e specializuara në Fakultetin e Mjekësisë është vendosur të zhvillohet në datat 14 dhe 15 prill pranë Agjencisë Kombëtare të Provimeve.

I kontaktuar nga doktor33.al, dekani i Fakultetit të Mjekësisë Prof. Dr. Xheladin Dracini thotë se garantohet një proces i sigurt dhe transparent.

"Janë marrë masat që i gjithë procesi të jetë korrekt dhe në transparencë të plotë. Fondi prej 5000 pyetjesh është publikuar prej afro një muaji e gjysmë dhe kandidatët kanë pasur mundësi të përgatiten rreth tyre", shpjegon Prof. Dr. Dracini.

Nga ky testim me shkrim, kandidatët duhet të marrin 70 pikë, ndërsa 25 pikë i përkasin notës mesatare të studimeve në Fakultetin e Mjekësisë dhe me 5 pikë, vlerësohet testimi me gojë.

Për vitin akademik 2017-2018 është shtuar thuajse me 50, numri i kuotave të pranimit të kandidatëve që duan të ndjekin programet e specializimeve në Universitetin e Mjekësisë. Këtë vit, janë vënë në dispozicion 247 kuota për kandidatët brenda territorit të vendit, të ndara këto sipas degëve të ndryshme.

Alma Demiraj