maj82018

Lista 2018 dhe kontratat e reja me farmacitë. Drejtori i FSDKSH-së, Ahmetaj: Jemi konsultuar më parë me farmacistët

Artikuj lidhur

18-09-2018 | Mjekët e familjes në presion për të kursyer fondin e rimbursimit. FSDKSH: Mjekimi të fillojë me medikamentin më të lirë

18-05-2018 | UFSH: Pas marrëveshjes me FSDKSH-në, farmacitë të firmosin shtojcën e kontratës

10-05-2018 | Anulohet kontrata e farmacive. UFSH: Të premten, një grup i përbashkët do të hartojë kontrata të reja

Pas deklarimit të UFSH-së se do të shkonte sërish në gjyq me Fondin, pasi lista e barnave ka hyrë në fuqi pa lidhur më parë kontratat dhe sepse kjo e fundit ishte e njëanshme, është kundërpërgjigjur kreu i këtij institucioni.

"Unë jam i hapur të mirëpres çdo përfaqësi të tyre. Por, një gjë e them me përgjegjësi. Ne jemi konsultuar me ta, para se këshilli administrativ të miratonte kontratat e reja", u shpreh Ahmetaj.

Ndër të tjera, drejtori i FSDKSH-së tha se për pika të kontratës për të cilat nuk janë dakord farmacitë, janë përballur edhe herë tjetër në gjykatë dhe e kanë marrë përgjigjen.

Në lidhje me dëmin financiar të shkaktuar për shkak të futjes në fuqi të listës së barnave të rimbursueshme për vitin 2018 me çmime të ulura, Ahmetaj u përgjigj se këtë kosto duhet ta paguajnë farmacitë.

"Kontratat e reja, tha drejtori i Fondit, janë në proces duke u lidhur si me farmacitë, edhe me importuesit farmaceutikë dhe ky proces pritet të përfundojë brenda dy javëve".

FSDKSH-ja ka vënë në dispozicion për rimbursimin e barnave dhe pajisjeve mjekësore për vitin 2018, një fond prej 10.4 miliardë lekësh. Ulja me gati 11% e çmimit të barnave të listës sipas Ahmetajt, ka krijuar mundësi për shtimin e barnave të tjera.

Alma Demiraj