sht102020
Covid-19. Abbott lançon testin e shpejtë antigjenik për diagnostikim
Një test antigjenik për diagnostikimin e Covid-19 që nuk kërkon instrumentim dhe i jep rezultatet për 15 minuta. Bëhet fjalë për Panbio™ Covid-19 Ag Rapid Test Device e Abbottit, i cili ka marrë markën CE.
Në mënyrë të ngjashme me testet molekulare për Covid-19, testet antigjenike zbulojnë një proteinë të virusit për të përcaktuar nëse një person është aktualisht i infektuar. Këto teste mund të jenë një mjet qendror për ngadalësimin e përhapjes së infeksionit, duke qenë se sigurojnë informacion jetësor në një fazë të ciklit infektiv ku njerëzit janë në rrezik më të lartë për përhapje të sëmundjes. Me testet e shpejta antigjenike, rezultatet mund të merren menjëherë. "Testet e shpejta antigjenike bëjnë të mundur testimin për Covid-19 më shpesh dhe në shkallë të gjerë, në mënyrë që njerëzit që janë prekur nga infeksioni, të identifikohen menjëherë, duke ndihmuar në ngadalësimin e përhapjes së virusit", tha Gabriella Di Marzio, administratore e deleguar e Abbott Rapid Diagnostics. "Një mjet i fuqishëm që e bën testimin në shkallë të gjerë e të shpejtë, ekonomik dhe të arritshëm".
Në veçanti, testi i shpejtë antigjenik mund të:
• përmirësojë qasjen në teste. Testet janë portative, shumë të lehta për t'u përdorur dhe ofrojnë rezultate të shpejta që mund të përdoren në kontekste ku mjetet laboratorike nuk janë në dispozicion ose praktike;
• bëjë të mundur kryerjen më të shpeshtë në testeve, falë lehtësisë dhe shpejtësisë së rezultateve. Panbio Ag përdor teknologji të provuar të fluksit lateral për të dhënë rezultate që një profesionist i kujdesit shëndetësor mund t'i lexojë për vetëm 15 minuta;
• të përmirësojë fushën e shqyrtimit, duke ndihmuar komunitetet dhe organizatat për të testuar miliona njerëz dhe për të reduktuar rrezikun e përhapjes së sëmundjes, bashkë me testimin PCR.
Testi Panbio Covid-19 Ag përdor gjithashtu një tampon nazofaringeal për mbledhjen e mostrave dhe nuk kërkon ndonjë test konfirmues. Rezultati negativ nuk përjashton praninë e infeksionit Covid-19 dhe nuk mund të përdoret si bazë e vetme për trajtim ose vendime të tjera terapeutike/menaxhuese, por më tepër duhet të përdoret së bashku me vëzhgimet klinike, historinë e pacientit dhe informacionin epidemiologjik.
Rezultatet paraprake të studimit klinik Abbott të 241 mostrave treguan se testi ka një ndjeshmëri prej 93.3% dhe specificitet prej 99.4% te njerëzit me ekspozim të dyshuar ndaj Covid-19 ose që kanë pasur simptoma në 7 ditët e fundit. Testi u krijua më pas me tipare sigurie kundër rreziqeve biologjike, në mënyrë që të zvogëlohej rreziku i ndotjes virale, ndërsa kryhet nga profesionistë të kujdesit shëndetësor.