gus292018
Diagnostikimi i diabetit të tipit 1, shton rrezikun e çrregullimeve psikiatrike te fëmijët
Në vitet që pasojnë fillimin e diabetit të tipit 1, rritet rreziku i çrregullimeve ushqimore, ankthit dhe çrregullimeve të humorit, por edhe abuzimi me substancat dhe çrregullimet e personalitetit. "Këto rezultate, theksojnë nevojën për të monitoruar shëndetin mendor të fëmijëve dhe adoleshentëve pas fillimit të diabetit të tipit 1, për të identifikuar dhe trajtuar çrregullimet që e pasojnë", thotë Daniel Dybdal (Universiteti i Danimarkës Jugore), autori i parë i një studimi të botuar në "Diabetologji".
"Njohuritë aktuale mbi problemet e shëndetit mendor te fëmijët dhe adoleshentët me diabet të tipit 1 janë mjaft të kufizuara dhe bazohen kryesisht në studime të vogla përzgjedhëse dhe ndërsektoriale që përdorin parametra të ndryshëm për të përcaktuar shëndetin mendor dhe patologjinë e tij", shpjegojnë autorët, të cilat kanë propozuar përmirësimin e të kuptuarit të rreziqeve psikiatrike të lidhura me diabetin e tipit 1 te fëmijët dhe adoleshentët, duke iu kushtuar vëmendje të veçantë dallimeve gjinore, kohëzgjatjes së diabetit dhe moshës së fillimit të sëmundjes. Për këtë qëllim, Dybdali dhe kolegët kanë nisur një studim kohorte, duke u konsultuar me regjistrat kombëtarë danezë, ku kanë identifikuar 5.084 fëmijë dhe adoleshentë të diagnostikuar me diabet të tipit 1 para moshës 18-vjeçare dhe me një çrregullim psikiatrik të mëtejshëm.
"Grupi i studimit u krahasua më pas me 35.588 individë të grupit të kontrollit, të përshtatur në bazë të gjinisë dhe të datës së lindjes", thotë autori, duke shpjeguar se për të vlerësuar lidhjet midis diabetit të tipit 1 dhe përhapjes së çrregullimeve psikiatrike, si dhe efektet e moshës së fillimit dhe kohëzgjatjes së saj në rrezikun e psikopatologjive të mëvonshme, është përdorur modeli i rreziqeve proporcionale Cox. Rezultatet e arritura tregojnë një rritje të konsiderueshme të gjasave të zhvillimit të çrregullimeve jo vetëm të gjendjes shpirtërore, por edhe shoqëruese, të ushqimit dhe stresit në të dyja gjinitë në vitet pas fillimit të diabetit të tipit 1, sidomos pas pesë vjetësh ose më shumë.
"Përmirësimi i njohurive për problemet e shëndetit mendor te fëmijët dhe adoleshentët me diabet të tipit 1, lehtëson ndërhyrjet që synojnë përmirësimin e cilësisë së jetës së pacientëve të rinj", përfundojnë hulumtuesit.
Diabetologia. 2018. doi: 10.1007/s00125-017-4517-7
https://www.ncbi.nlm.nih.gov/pubmed/29242985