nën22020
Pandemia ka ndryshuar llojin dhe frekuencën e frakturave pediatrike
Përballë një rënieje prej mbi dyfish të frakturave të vëzhguara në pediatri në muajt e parë të pandemisë, janë shtuar ato që kanë ndodhur në shtëpi ose me biçikletë dhe, më të prekur, janë fëmijët më të vegjël. Këto janë rezultatet e një studimi të kryer mbi 1,745 pacientë, studim i prezantuar në Konferencën Kombëtare Virtuale të Akademisë Amerikane të Pediatrisë (AAP) 2020, nga e cila del se gjatë pandemisë, frakturat e radiusit distal kishin më shumë të ngjarë të trajtoheshin me suport ortopedik me ngjitëse. Kjo mënyrë tregon një tendencë për të thjeshtuar trajtimin dhe për të cilën studiuesit shpresojnë të vazhdojë pas pandemisë.
"Ne prisnim të shihnim një rënie të numrit të frakturave, por jo një rritje të dëmtimeve në shtëpi", thotë bashkautorja Apurva Shah, nga Spitali i Fëmijëve të Filadelfias (CHOP). Sipas autorëve, mesazhi që do t'u transmetohet prindërve dhe anëtarëve të familjes është se është e vështirë të mbikëqyrësh fëmijët kur punohet nga shtëpia dhe se mbikëqyrja nuk funksionon gjithmonë siç pritet. Shahu dhe kolegët krahasuan pacientët me fraktura të cilët u paraqitën në CHOP midis marsit dhe prillit 2020 me ata që mbërritën në të njëjtët muaj në vitet 2018 dhe 2019.
"Në përgjithësi, numri i frakturave pediatrike që u paraqitën në CHOP ra në një mesatare prej pak më pak se 10 të tillash në ditë, krahasuar me më shumë se 22 në ditë gjatë viteve të mëparshme. Përveç kësaj, mosha e pacientëve shkoi nga një mesatare prej 9.4 në 7.5 vjet, me më pak adoleshentë të prekur në vitin 2020. "Për shkak të pandemisë, ka pasur një përqindje më të lartë të frakturave pediatrike në shtëpi ose në biçikletë, përballë një rënieje të atyre që u pësuan në sporte të organizuara ose kënde lojërash", nënvizojnë autorët. Dhe Shahu përfundon: "Ajo që ka ndryshuar është se shumë të rritur kanë humbur punën e tyre dhe për pasojë, shumë fëmijë nuk kanë më akses në sigurimet private. Dhe frakturat, dëmtimet serioze, shërbejnë si një kujtesë për pediatrit dhe mjekët e përgjithshëm për të kujtuar se shumë familje po kalojnë periudha të vështira dhe se vonesat në trajtim mund të jenë të dëmshme, veçanërisht te fëmijët".
Aap Conferenza nazionale 2020. Abstract P0862, presentato il 3 ottobre 2020 https://aapexperience.org/