Pediatri

nën292021

Ambliopia. Krijohet pajisja portative për ta zbuluar që në fëmijërinë e hershme

Një artikull i botuar në Journal of the American Association for Pediatric Ophthalmology and Strabism përshkruan një pajisje portative që është në gjendje të zbulojë shtrembërimin e lehtë të syve, duke identifikuar fëmijët me ambliopi. "Sëmundja, e quajtur edhe syri dembel, zhvillohet kur shtrembërimi i syve (strabizmi) ose ulja e mprehtësisë vizuale të njërit sy ndërhyn në aftësinë e trurit për të përpunuar informacionin vizual nga të dy sytë, duke e bërë atë të favorizojë njërin. Dhe, sapo një fëmijë të jetë i pjekur vizualisht, shikimi i humbur në syrin më të dobët, vështirë se mund të korrigjohet me syze ose lente kontakti", shpjegon Michael Chiang, drejtor i Institutit Kombëtar të Syve (NEI) i cili financoi kërkimin dhe zhvillimin e pajisjes, duke kujtuar se fëmijët me ambliopi mund të kenë performancë të dobët akademike, si dhe paaftësi në perceptimin e thellë të fushës dhe në aftësi të tilla motorike si shkrimi dhe aktivitete të tjera të koordinuara dorë-sy.

"Këto rezultate sugjerojnë që pediatër ose ofrues të tjerë të kujdesit parësor ta përdorin pajisjen si metodë kontrolli për të identifikuar ambliopinë në fëmijëri, kur është më e lehtë për t'u trajtuar", vazhdon studiuesi, duke shtuar se terapia e syrit dembel përfshin aplikimin e një okluzioni në syrin e shëndetshëm, për të përmirësuar shikimin në syrin më të dobët. "Kjo është diçka që ka më pak sukses me rritjen e moshës, duke e bërë vendimtare diagnozën e hershme", shkruajnë autorët, të cilët ekzaminuan 300 fëmijë midis moshës 2 dhe 6 vjeç pa ndonjë çrregullim të njohur të syrit, të rekrutuar gjatë vizitave të planifikuara në dy klinika pediatrike të drejtuara nga Kaiser Permanente, Kaliforni e Jugut.
"Në duart e një përdoruesi të trajnuar duhen 28 sekonda për të ulur fëmijën, për të kryer testin dhe për të regjistruar rezultatet, me kusht që fëmija të bashkëpunojë dhe vetë testi zgjat vetëm 2.5 sekonda", përfundon nënshkruesi i parë i artikullit Shaival Shah, oftalmolog pediatër në Kaiser Permanente të Tustin Ranch në Kaliforni.


Jaapos 2021 https://doi.org/10.1016/j.jaapos.2021.03.010
https://www.jaapos.org/article/S1091-8531(21)00174-9/fulltext


Download Center

Principi e Pratica Clinica
Artikuj të shkëputur
shkoni në download >>
separa
Principi e Pratica Clinica
Urdhëra dhe Udhëzime
shkoni në download >>
separa
Principi e Pratica Clinica
Projektligje dhe Ligje
shkoni në download >>