News

qer212019

EMA fillon shqyrtimin e barnave me leuprorelin. Sinjalizohen gabime në përgatitje

tags: EMA, Barna

Agjencia Evropiane e Barnave ka nisur një rishikim të barnave me leuprorelin, pas marrjes së sinjalizimeve për gabime manipulimi në përgatitjen dhe administrimin e tyre, duke bërë që bari të arrijë në sasi të pamjaftueshme te pacientët e duke zvogëluar kështu përfitimet e trajtimit. Këtë e bëjnë të ditur si EMA, ashtu edhe Agjencia Italiane e Barnave (AIFA).

Rishikimi ka të bëjë me formulime me çlirim të ngadaltë, që administrohen me anë të injektimit nën lëkurë ose në një muskul dhe që e çlirojnë principin aktiv ngadalë, gjatë një periudhe 1-6-mujore.

Këto formulime përdoren për trajtimin e kancerit të prostatës, gjirit dhe të patologjive të sistemit riprodhues të femrës (endometrioza, miomatoza e mitrës, fibroza uterine dhe puberteti i parakohshëm) dhe kërkojnë hapa kompleksë për të përgatitur injeksionet.
 
Sipas asaj që raportohet, gabimet e trajtimit do të kishin çuar në probleme, të tilla si rrjedhja e barit nga shiringa ose mosçlirimi i impiantit nga aplikuesi. Komiteti i sigurisë në EMA, PRAC, do të vlerësojë të gjitha të dhënat e disponueshme dhe do të përcaktojë nëse janë të nevojshme masat për të garantuar përgatitjen dhe administrimin e barnave në mënyrë të përshtatshme. Ndërkohë, profesionistët e shëndetësisë duhet të ndjekin me kujdes udhëzimet për përgatitjen e produkteve medicinale me leuprorelin, në një formulim me çlirim të ngadaltë (depot). Pacientët që kanë dyshime, duhet t'i drejtohen mjekut të tyre.


Download Center

Principi e Pratica Clinica
Artikuj të shkëputur
shkoni në download >>
separa
Principi e Pratica Clinica
Urdhëra dhe Udhëzime
shkoni në download >>
separa
Principi e Pratica Clinica
Projektligje dhe Ligje
shkoni në download >>