AIFA: informacione të reja mbi sigurinë e betainterferon-it

tags: sklerozë multiple, AIFA, TMA

Artikuj lidhur

12-12-2023 | Barnat e diabetit. AIFA përpilon raportin për tendencën e konsumit të barnave

23-07-2021 | Vaksinat anti-Covid. AIFA: Përditësime mbi rreziqet dhe kundërindikacionet

15-03-2021 | Agjencia Italiane e Barnave aprovon vaksinën Janssen

Agjencia Italiane e Farmaceutikëve (AIFA) ka vënë në dispozicion informacionet e reja të sigurisë mbi përdorimin e barnave me bazë beta-interferon, e përdorur në trajtimin e sklerozës multiple.
Komunikata e rëndësishme informative pason revizionimin e udhëhequr nga Autoriteti Rregullator Europian mbi raportin e mikroangiopatisë trombotike (TMA) dhe sindromin nefrotik, të asociuara me përdorimin e produkteve me bazë beta-interferon për trajtimin e sklerozës multiple.
Në vijim përmbledhja e informacioneve:
Janë sinjalizuar raste me TMA, duke përfshirë edhe ato fatale gjatë trajtimit të sklerozës së shumëfishtë me produkte me bazë beta interferone. Pjesa më e madhe rasteve me TMA manifestohet si purpura trombotike trombocitopenike apo si sindromi hemolitik uremik.
Janë sinjalizuar po ashtu edhe raste të sindromit nefrotik me nefropati të ndryshme.
Si TMA ashtu edhe sindromi nefrotik mund të lindin në një periudhë kohore që varion nga disa javë në disa vjet, pas fillimit të trajtimit me beta-iterferon.
Këshilla për mjekun referuar TMA-së:
Karakteristikat klinike të TMA-së përfshijnë trombocitopeni-në, shkaktimin e një hipertensioni të ri dhe temperaturë, simptoma këto që ndikojnë në sistemin nervor qendror (p.sh.. konfuzion dhe paralizë) dhe dëmtimin e funksionit renal.
Nëse hasen karakteristikat klinike të TMA-së, realizohen testet e niveleve të trombociteve në gjak, nivelet e laktatit-dehidrogjenazës në serum dhe funksioni i veshkave. Rekomandohet gjithashtu të kryhen ekzaminimet e fragmenteve të qelizave të kuqe të gjakut në një strishë të gjakut.
Në rast diagnozash të TMA-së, është e nevojshme trajtimi në kohë (duke pasur parasysh plazmaferezin) dhe rekomandohet ndërprerja e menjëhershme e trajtimit me beta-interferon.
Këshilla për mjekun referuar sindromës nefrotike:
Të monitorohet në mënyrë periodike funksionimi i veshkave dhe t'i kushtohet vëmendje shenjave të simptomave fillestare të sindromit nefrotik të tilla si edema, proteinuria dhe dëmtimi i funksionit renal, veçanërisht te pacientët me rrezik të lartë të sëmundjeve të veshkave. Në rast se shkaktohet sindromi nefrotik, të merret në konsideratë ndërprerja e trajtimit me beta-interferon.