shk282019
Tumoret e lidhura me papilloma virusin. Pas të parit, rritet rreziku për të zhvilluar një tjetër
Adultët që iu kanë mbijetuar tumoreve të lidhur me papilomavirusin human (HPV), janë më të rrezikuar për të zhvilluar një neoplazi të dytë të lidhur me HPV-në në pjesë të tjera, sipas asaj që sugjeron një studim retrospektiv i publikuar në "JAMA Network Open".
"Këto dyzet vitet e fundit, mbijetesa ndërmjet pacientëve me tumore që lidhen me HPV-në është përmirësuar, ndërsa incidenca e këtyre tumoreve është rritur, me aq sa tregojnë kohortet më të reja. Ndërmjet të mbijetuarve nga tumoret e lidhura me HPV-në, një infeksion persistent nga virusi mund të përbëjë faktor risku për zhvillimin e tumoreve të dyta primare të lidhura me HPV-në, që mund të parandalohen", shpjegon Ryan Suk (Universiteti i Teksasit), autor kryesor i studimit. Kërkuesit kanë dashur të hetojnë në një kohorte më të gjerë, riskun e një tumori të dytë që lidhet me HPV-në ndërmjet të mbijetuarve nga neoplazitë e lidhura me virusin.
Për këtë arsye, kanë përdorur nëntë regjistra të rasteve të kancerit në Shtetet e Bashkuara, duke identifikuar 113.000 persona të mbijetuar nga tumoret e lidhura me HPV-në (cervikal, vulvovaginal, orofaringeal, anal, penil) në katër dekada. Analiza e të dhënave ka treguar se, që dy muaj pas indeksit të diagnozës së kancerit janë diagnostikuar pothuajse 2500 tumore të dyta primare që lidhen me HPV-në, me një kohë diagnostikimi që varion në kompleks nga 3 deri në 14 vjet. Risku për tumoret e dyta që lidhen me HPV-në ka rezultuar në mënyrë të konsiderueshme i lartë, në krahasim me incidencën e parashikuar në popullsinë e përgjithshme dhe risku më i lartë është observuar pas tumoreve orofaringeale (81 raste kanceri më shumë për 10.000 vjet/person ndërmjet grave dhe 62, ndërmjet burrave).
Përveç kësaj, pothuajse çdo tip kanceri që lidhet me HPV-në, ka rezultuar i lidhur me një rritje të riskut për kancerin orofaringeal sekondar. Kërkuesit shkruajnë se persistenca e pranisë së HPV-së në pjesë të ndryshme ndoshta kontribuon në riskun për tumoret e dyta, duke sugjeruar nevojën e kryerjes së më shumë skrinimeve, për të zbuluar lezionet prekanceroze dhe kanceroze të parakohshme që lidhen me HPV-në, ndërmjet të mbijetuarve nga një tumor i lidhur me virusin.
JAMA Network Open. 2018. doi:10.1001/jamanetworkopen.2018.1999
https://jamanetwork.com/journals/jamanetworkopen/fullarticle/2701740