mar42024
Covid-19: Rritje e lehtë e transmetueshmërisë. Mbetet dominues varianti JN.1
Pas një jave rënieje, RT rikthehet sërish me një "rritje të lehtë", e cila megjithatë "është ende nën pragun e epidemisë", por shtrimi në pavijon dhe në terapi intensive është në rënie. Kjo është tabloja që rezulton nga monitorimi javor i Covidit në Sallën e Kontrollit të Ministrisë së Shëndetësisë dhe Institutit të Lartë të Shëndetësisë (ILSH). Indeksi i transmetueshmërisë (RT), bazuar në rastet e shtrimit në spital është nën pragun e epidemisë, i barabartë me 0,73 (0,64-0,83), duke u rritur lehtësisht krahasuar me javën e kaluar (RT 0,65 [0,57-0,73'])", thuhet në analizë.
Në datën 28 shkurt, "Shtrimi në pavijon ishte 1,9%, një rënie në krahasim me javën e kaluar (2,1% më 21 shkurt). Në rënie ishte edhe shtrimi në terapi intensive, i barabartë me 0,5% krahasuar me javën e kaluar (0.6% më 21 shkurt)", vijon raporti. Së fundi, "incidenca e rasteve me Covid, të diagnostikuara dhe të sinjalizuara në periudhën 22-28 shkurt është e barabartë me 2 raste për 100,000 banorë, një rënie në krahasim me javën e kaluar (3 raste për 100,000 banorë në javën 15-21 shkurt)", përfundohet në monitorim.
Përsa i përket tendencës së varianteve, "varianti Covid JN.1, me interes sipas organizmave ndërkombëtarë, konfirmohet si mbizotërues, me një prevalencë kombëtare të vlerësuar prej 71,7% (77% në anketën e mëparshme të janarit 2024)" siç theksohet nga sondazhi "flash" mbi variantin e shkurtit i kryer nga Instituti i Lartë i Shëndetësisë (ISS).
"JN.1 rezulton ndërkombëtarisht mbizotërues dhe po vazhdon të përhapet ende. Bazuar në provat e disponueshme, JN.1 nuk duket se paraqet rreziqe të tjera për shëndetin publik në krahasim me variantet e tjera qarkulluese. Në të njëjtën kohë, ne vazhdojmë të vëzhgojmë një bashkëqarkullim të shtameve virale që i atribuohen XBB dhe në veçanti varianteve XBB.1.5 dhe EG.5", shtojnë ekspertët.
"Në skenarin aktual është e nevojshme të vazhdohet të monitorohet me vëmendje të madhe, në përputhje me rekomandimet kombëtare dhe ndërkombëtare dhe indikacionet ministrore, përhapja e varianteve virale, dhe në veçanti e atyre me transmetueshmëri më të lartë dhe/ose me mutacione që lidhen me shmangien e mundshme të përgjigjes imune", përfundohet në analizë.