pri22024
Një antitrup i ri monoklonal dhe migrena
Në një studim të publikuar në JAMA Neurology tregohen perspektiva të reja në trajtimin parandalues të migrenës episodike, duke ngjallur shpresa për ata pacientë, të cilët nuk kanë pasur sukses me trajtime me barna të tjera, nuk kanë qenë të suksesshme. Ky lloj studimi APPRAISE krahason efikasitetin, tolerancën, respektimin dhe kënaqësinë e pacientëve te erenumabi, një antitrup monoklonal, i cili frenon rrugëtimin e peptidit të lidhur me gjenin e kalcitoninës (CGRP) dhe te trajtimet orale jo specifike për migrenën (OMPM).
Studimi, një analizë klinike e randomizuar, globale shumëqendrore e fazës 4, përfshiu 621 pacientë të prekur nga migrena episodike, të cilët kishin ndjekur një ose dy trajtime parandaluese të pasuksesshme në të kaluarën. Rezultatet evidentuan një avantazh të dukshëm të erenumabit kundrejt OMPM-ve, përsa u përket efikasitetit dhe tolerancës. Në përfundim të studimit, numri i ditëve me migrenë në muaj u reduktua me më shumë se 50% për një pjesë të konsiderueshme të pacientëve të trajtuar me erenumab, krahasuar me ata që merrnin OMPM (56,2% kundrejt 16.8%). Gjithashtu, pezullimi i trajtimit për shkak të efekteve anësore ishte dukshëm më i ulët në grupin erenumab.
Rezultatet e këtij studimi klinik të randomizuar demonstrojnë se përdorimi i hershëm i erenumabit ofron më tepër efikasitet, siguri dhe respektim për pacientët me migrenë episodike, të cilët kanë pasur një ose dy trajtime parandaluese të pasuksesshme në të kaluarën, krahasuar me përdorimin e vazhdueshëm të OMPM.
JAMA Neurology 2024. Doi: 10.1001/jamaneurol.2024.0368
http://doi.org/10.1001/jamaneurol.2024.0368