tet292020
Një ndërhyrje miniinvazive në intestin, mund të shërojë diabetin
Një teknikë miniinvazive mund të shërojë diabetin, një veçanti një ndërhyrje me endoskopi që rimodelon duodenin, duke përdorur ngrohtësinë. Në terma të tjerë, një lloj liftingu i murit intestinal që rinon indin, duke krijuar kështu përfitime të përhershme në kuptimin e modifikimeve metabolike dhe hormonale. Këtë e premton një studim pilot i zhvilluar në Holandë dhe i prezantuar në Javën Evropiane të Gastroenterologjisë 2020, që këtë vit, u zhvillua në mënyrë virtuale.
Teknika e ka marrë shtysën nga disa studime të cilat treguan se duke modifikuar muret e zorrëve, për shembull me kirurgji bariatrike, mund të rivendoset ekuilibri i duhur hormonal, duke e shëruar diabetin njëherë e përgjithmonë. Studimi pilot holandez, e quajtur Revita dhe e nënshkruar nga Suzanne Meiring, Annieke van Baar dhe Jacques Bergman nga Universiteti i Amsterdamit, përfshiu 16 pacientë: pas operacionit, 3 nga 4 pjesëmarrësit kanë qenë në gjendje ta pezullonin plotësisht terapinë me insulinë, ndërsa pjesa tjetër, 25% e pacientëve kanë mundur t'i ulnin dozat e nevojshme për kontrollin e glicemisë. Rezultatet e Revitas, e cila në të kaluarën përfshiu edhe disa qendra italiane, hap rrugën për një eksperimentim më të gjerë dhe më ndërkombëtar.
"Studimi pilot për rindërtimin e mukozës duodenale përdor një teknologji në terren për disa vjet dhe është testuar deri më tani në disa raste", nënvizon Massimo Federici, profesor i mjekësisë interne në Universitetin e Romës Tor Vergata dhe anëtar i Bordit të Drejtorëve të Shoqërisë Italiane të Diabetit (SID). Eksperti thekson se megjithëse grupi i trajtuar është i vogël, rezultate interesante shfaqen në drejtim të kontrollit të përmirësuar të glicemisë, rënies në peshë dhe akumulimit më të ulët të yndyrës në mëlçi. "Kjo metodë e rimodelimit të mukozës duodenale është shumë interesante dhe konfirmon rolin e luajtur nga kjo pjesë e zorrës së hollë në kontrollin metabolik", përfundon Federici.
Java Evropiane e Gastroenterologjisë 2020
https://ueg.eu/week