Diabetologji

shk162021

Peshku i kaltër, redukton rrezikun për të zhvilluar diabet të tipit 2

Njerëzit që hanë rregullisht peshk të kaltër, kanë shfaqur një rrezik të reduktuar ndjeshëm për zhvillimin e diabetit të tipit 2 në një studim perspektiv observues që ka përfshirë gati 400,000 banorë të Britanisë së Madhe. Punimi, botuar në "Diabetes Care", tregon gjithashtu një lidhje të konsiderueshme, por më të dobët, pozitive midis përdorimit të rregullt të integratorëve të vajit të peshkut dhe një rënieje të incidencës së sëmundjes. "Analiza jonë nuk arriti të tregonte një lidhje të rëndësishme midis konsumit të peshkut jo të kaltër dhe shfaqjes së diabetit të tipit 2", shpjegon Qibin Qi (Kolegji Mjekësor Albert Einstein në Nju Jork), autor kryesor i punimit.

Studimi përfshiu afërsisht 392,000 të rritur pa diabet të tipit 2 ose sëmundje kardiovaskulare në matjet bazë përmes Biobank UK. Ndjekja mesatare ishte pak më shumë se 10 vjet, gjatë të cilave 7,262 pjesëmarrës zhvilluan diabet. Pjesëmarrësit që hëngrën një, dy ose më shumë racione të peshkut të kaltër në javë kishin një normë incidence prej 22% më të ulët për diabet të tipit 2 sesa ata që nuk hëngrën peshk të kaltër, pasi u përshtatën sipas faktorëve ngatërrues. Ata që raportuan se merrnin rregullisht një suplement me vaj peshku, kishin incidencë dukshëm më të ulët për diabet të tipit 2, me 9%, krahasuar me ata që nuk merrnin. Ekspertët theksojnë se shumë udhëzime dietike aktuale rekomandojnë të hahen dy porcione peshku, mundësisht të kaltër, në javë, kryesisht bazuar në përfitimet kardiovaskulare, por asnjë deklaratë e mëparshme nuk e ka rekomanduar peshkun e kaltër për parandalimin e diabetit të tipit 2.

"Gjetjet tona mbështesin rekomandimet e ardhshme, por provat nuk janë ende mjaft të forta për ta deklaruar zyrtarisht këtë. Kemi nevojë për prova nga studimet klinike", thonë autorët. "Për momentin është maturi të rekomandojmë që njerëzit të marrin peshk të freskët të kaltër si pjesë e një diete të shëndetshme sesa suplemente të vajit të peshkut për parandalimin e diabetit", përfundojnë ata.


Diabetes Care 2021. Doi: 10.2337/dc20-2328
https://doi.org/10.2337/dc20-2328


Download Center

Principi e Pratica Clinica
Artikuj të shkëputur
shkoni në download >>
separa
Principi e Pratica Clinica
Urdhëra dhe Udhëzime
shkoni në download >>
separa
Principi e Pratica Clinica
Projektligje dhe Ligje
shkoni në download >>