dhj72021
Covid-19. Ja, si ndikon pandemia në shëndetin riprodhues të grave
Pandemia Covid-19 ka komprometuar fertilitetin e shumë grave, duke i bërë ato të kenë nevojë për mbështetje mjekësore dhe psikologjike, sipas një studimi të prezantuar në kongresin e Shoqatës së Endokrinologjisë zhvilluar në Edinburg, Skoci. "Këto rezultate theksojnë nevojën për të ofruar mbështetjen e duhur të shëndetit mendor për gratë me çrregullime menstruale, duke pasur parasysh barrën e paprecedent psikologjike të lidhur me pandeminë", thotë autorja e parë Michelle Maher, endokrinologe në Trinity College Dublin School of Medicine, duke specifikuar se ky është studimi i parë që tregon se gratë vazhdojnë të vuajnë nga çrregullimet e riprodhimit një vit pas fillimit të pandemisë.
"Stresi jo vetëm që çrregullon gjumin, i cili nga ana tjetër ndikon në fertilitet, por mund të ndikojë edhe në ekuilibrin e hormoneve femërore, një faktor që çrregullon ciklet menstruale", shkruajnë autorët, duke shtuar se stresi ndikon edhe në peshën e trupit duke shtuar dhjamin në bark, i cili nga ana tjetër, shkaktar i mosfunksionimit menstrual. Në prill 2021, studiuesit shpërndanë një anketë në internet për gratë e moshës riprodhuese përmes mediave sociale dhe morën 1335 përgjigje (mosha mesatare e pjesëmarrësve 34; mosha 29-38 vjeçe). Sondazhi përfshiu matjen e depresionit (Pyetësori i shëndetit të pacientit-9), ankthit (Çrregullimi i ankthit të përgjithshëm-7) dhe cilësinë e gjumit (Indeksi i cilësisë së gjumit të Pitsburgut). Sipas sondazhit, 56% e të anketuarave raportuan ndryshime në ciklin e tyre menstrual që nga fillimi i pandemisë. Por, jo vetëm kaq: krahasuar me periudhën para pandemisë, pjesëmarrësit përjetuan shtim të ndjeshëm të menorragjisë, dismenorresë dhe amenorresë. Së fundi, 64% e grave raportuan një përkeqësim të simptomave premenstruale dhe 54%, rënie të dëshirës seksuale.
Më në fund, sondazhi zbuloi një rritje të konsiderueshme të shkallës së depresionit të rëndë, ankthit dhe pagjumësisë. "Në dritën e këtyre të dhënave, do të ishte e përshtatshme të inkurajohen gratë që vuajnë nga çrregullime riprodhuese, si dhe nga shëndeti mendor që të konsultohen me mjekun e tyre për këshilla", përfundon Maheri.
Endocrine Abstracts (2021) 77 P234 Doi: 10.1530/endoabs.77.P234
https://www.endocrine-abstracts.org/ea/0077/ea0077p234