shk182019
Levodopa me inhalim mund të ndihmojë pacientët me parkinson, në periudhat "off"
Medikamenti CVT-301, apo levodopa, në formën e pluhurit për inhalim, mund të përmirësojë rezultatet motorike të pacientëve me sëmundjen e parkinsonit gjatë periudhave "off", me pak ndodhi serioze negative.
"Duke parë rezultatet për levodopën orale, që i ka kohët e përgjigjes shumë të ndryshueshme ndërmjet pacientëve, kemi dashur të vlerësojmë sigurinë dhe efikasitetin e CVT-301, pluhur levodope për inhalim oral të vetëadministruar, për trajtimin e pacientëve me sëmundjen e Parkinsonit gjatë periudhave off", shpjegon Peter Levvitt (Henry Fort Hospital), autor kryesor i punimit të publikuar në "Lancet Neurology".
Për këtë qëllim, kërkuesit kanë rekrutuar në 65 qendra 351 pacientë me moshë nga 30 deri në 85 vjeç me sëmundjen e parkinsonit, që kishin periudha ditore "off" me dy ose më shumë orë dhe kishin treguar një përmirësim me 25% ose më shumë në rezultatin motorik UPDRS (Unified Parkinson's Disease Rating Scale) duke kaluar nga gjendja "off" në gjendjen "on", pas marrjes së levodopës orale në një kombinim inhibitorësh të dopa-dekarboksilazës.
Pacientët janë përzgjedhur në mënyrë rastësore për të marrë, sipas nevojave, CVT-301 60 mg, CVT-301 84 mg, ose placebo. Megjithatë, diferenca mesatare me metodën e kuadrateve minimale në ndryshimin e rezultatit motorik UPDRS që nga marrja e parë e levodopës, 30 minuta pas dozës, ka qenë e barabartë me -5,91 për grupin e placebos dhe -9,83, për grupin e CVT-301 84 mg (diferenca ndërmjet grupeve: -3,92).
Veç të tjerash, trajtimi është shfaqur i sigurt dhe është toleruar në të dyja dozat. Janë referuar ndodhi negative nga 2% e pacientëve në grupin placebo, nga 6% në grupin CVT-301 60 mg dhe nga 4% në grupin CVT-301 84 mg. 3% e pacientëve të trajtuar me placebo, 5% e atyre të trajtuar me CVT-301 60 mg dhe 2% e atyre të trajtuar me CVT-301 84 mg, kanë patur efekte negative të përcaktuara si të rënda. Autorët përfundojnë duke konfirmuar se në çdo rast, siguria dhe efikasiteti afatgjatë i CVT-301 duhet të studiohen në mënyrë më të thelluar. Në një artikull shoqërues, Olivier Rascol (Universiteti i Tuluzës në Francë) mbështet idenë se studimi është një shtesë e mirëpritur në njohuritë e kësaj fushe, por që përmasat e regjistruara të efektit nuk janë të mira, ashtu siç parashikohej, në termat e shpejtësisë dhe gjerësisë së përgjigjes akute dhe të efektit në kohëzgjatjen e përditshme që është kaluar në gjendjen "off".
Lancet Neurol. 2019. doi: 10.1016/S1474-4422(18)30405-8
https://www.ncbi.nlm.nih.gov/pubmed/30663606
Lancet Neurol. 2019. doi: 10.1016/S1474-4422(18)30496-4
https://www.ncbi.nlm.nih.gov/pubmed/30663600