sht212022
Fizioterapia torakale. Prova të pamjaftueshme për të vlerësuar efikasitetin te pacientët me pneumoni
Sipas një rishikimi të Cochrane, provat aktuale në lidhje me efektin e fizioterapisë torakale për përmirësimin e vdekshmërisë dhe shkallës së shërimit te të rriturit me pneumoni janë të pasigurta, megjithëse në disa raste duket se ky trajtim mund të reduktojë disi qëndrimet në spital, kohëzgjatjen e temperaturës, qëndrimet në terapi intensive si dhe nevojën për ventilim mekanik.
"Edhe pse dëshmitë janë kontradiktore, fizioterapia torakale është përdorur gjerësisht si një trajtim shtesë për të rriturit me pneumoni. Ne e kemi përditësuar këtë rishikim, i cili ishte përditësuar për herë të fundit në vitin 2013, për të vlerësuar efikasitetin dhe sigurinë e fizioterapisë torakale për pneumoninë te të rriturit", shpjegon autorja kryesore e studimit Xiaomei Chen nga Universiteti Sichuan, Chengdu në Kinë.
Studiuesit përfshinë në rishikim dy studime të rinj në të cilët morën pjesë 540 pacientë, duke rezultuar në 8 studime dhe 974 pjesëmarrës gjithsej. Studimet ekzaminuan pesë lloje të fizioterapisë torakale, përkatësisht fizioterapinë torakale konvencionale, trajtimin manipulues osteopatik (OMT), ciklin aktiv të teknikave të frymëmarrjes, presionin pozitiv të frymëmarrjes dhe lëkundjet me frekuencë të lartë të murit të kraharorit. Për sa i përket uljes së vdekshmërisë, fizioterapia torakale konvencionale ka treguar të ketë pak ose aspak efekt, ashtu si OMT-ja dhe lëkundjet me frekuencë të lartë të murit të kraharorit. Krahasuar me përmirësimin e shkallës së shërimit, fizioterapia torakale konvencionale kishte pak ose aspak efekt, ashtu si edhe cikli aktiv i teknikave të frymëmarrjes.
OMT-ja krahasuar me placebon duket se ka një efekt pozitiv në këtë rast. Për reduktimin e qëndrimit në spital, fizioterapia torakale konvencionale dhe cikli aktiv i teknikave të frymëmarrjes duket se kanë pak ose aspak efekt. Nga ana tjetër, presioni pozitiv i frymëmarrjes mund të reduktojë kohëzgjatjen mesatare të qëndrimit në spital me 1.4 ditë, si dhe të ulë kohëzgjatjen e temperaturës me 0.7 ditë. Lëkundjet me frekuencë të lartë të murit të kraharorit në kombinim me lavazhin alveolar me fibrobronkoskop kanë treguar se reduktojnë qëndrimin në terapi intensive me 3.8 ditë dhe ventilimin mekanik me 3 ditë. Megjithatë, në të gjitha rastet, siguria e provave rezultoi të ishte shumë e ulët.
"Përfshirja e dy studimeve të reja në këtë përditësim nuk i ndryshoi përfundimet kryesore të rishikimit origjinal. Megjithatë, të gjitha këto rezultate bazohen në prova me siguri shumë të ulët dhe duhet të vërtetohen edhe më tej", përfundojnë autorët.
Cochrane Database of Systematic Reviews 2022. Doi: 10.1002/14651858.CD006338.pub4
http://doi.org/10.1002/14651858.CD006338.pub4