Roli i baktereve intestinale në zhvillimin e aterosklerozës koronare

Përbërja e mikrobiomës intestinale mund të rrisë rrezikun për aterosklerozë koronare dhe atak kardiak në të ardhmen, sipas rezultateve të një studimi të kryer nga studiuesit e Universiteteve Uppsala dhe Lund në Suedi.

Autorët analizuan bakteret intestinale dhe imazheritë koronare të rreth 9,000 pacientëve 50-65 vjeç pa sëmundje kardiake, të gjithë pjesëmarrës në CardioPulmonary BioImage Study (SCAPIS), një studim suedez të fokusuar në sëmundjet kardiovaskulare mbarëkombëtare. "Përparimet e fundit teknologjike kanë bërë të mundur thellimin e njohurive tona për shtamet bakteriale në mostrat biologjike falë renditjes së ADN-së në krahasim me sekuencat e njohura bakteriale", thotë autori kryesor i studimit Sergi Sayols-Baixeras nga Universiteti Uppsala, duke theksuar se mikrobiota intestinale duket se është e përfshirë në sëmundjen aterosklerotike dhe se lidhja e saj me aterosklerozën koronare subklinike është e paqartë. Prandaj objektivi i studimit ishte që të identifikonte lidhjet midis mikrobiomës intestinale dhe aterosklerozës koronare të matur me rezultatin e kalciumit të arterieve koronare dhe angiografinë me tomografi të kompjuterizuar koronare, duke eksploruar korrelacionet e tyre klinike.

"Duke pasur parasysh të gjitha gjërat, ne zbuluam se bakteret orale, në veçanti ato të llojit  Streptococcus, kur janë të pranishme në florën intestinale shoqërohen me një prani më të madhe të pllakave aterosklerotike në arteriet koronare të kalibrit të vogël", shpjegon bashkautori Tove Fall. 

Sipas bashkautorit Marju Orho-Melander nga Universiteti i Lundit, "këto të dhëna sjellin njohuri të reja mbi mënyrën në të cilën mikpritësi njerëzor dhe komuniteti bakterial ndikojnë njëri-tjetrin, duke treguar përkeqësimin e shëndetit kardiovaskular në prani të streptokokeve në mikrobiomën intestinale. Hapi tjetër është të kuptojmë nëse speciet bakteriale të llojit Streptococcus,  të cilat shërbejë si shkaqet e zakonshme të pneumonisë dhe infeksionet e fytit, lëkurës dhe valvulave të zemrës, mund të ndikojnë edhe në zhvillimin e aterosklerozës".