dhj202023
Covid. OBSH klasifikon variantin JN.1, si një variant shqetësues. Udhëzimet e reja
Për shkak të përhapjes së shpejtë të virusit SARS-CoV-2, Organizata Botërore e Shëndetësisë e ka klasifikuar zyrtarisht variantin JN.1 (emri zyrtar Ba.2.86.1.1) si një variant shqetësues (Voi), duke e ndarë atë zyrtarisht nga shtami mëmë BA.2.86. I kategorizuar fillimisht ndër nënvariantet e BA.2.86, JN.1 tani po monitorohet më nga afër për shkak të përhapjes së tij të shpejtë.
Sipas vlerësimeve aktuale të OBSH-së mbi rrezikun, rreziku i shtuar që paraqet varianti JN.1 për shëndetin publik botëror vlerësohet aktualisht si i ulët. Megjithatë, me afrimin e dimrit në hemisferën veriore, ekziston mundësia që varianti JN.1 mund të rrisë incidencën e infeksioneve të frymëmarrjes në shumë vende.
Organizata Botërore e Shëndetësisë do të monitorojë vazhdimisht provat e disponueshme dhe do të përditësojë nivelin e rrezikut bazuar në statusin epidemiologjik dhe të dhënat shëndetësore.
Aktualisht, enti botëror thekson se vaksinat ekzistuese vazhdojnë të ofrojnë mbrojtje kundër formave të rënda dhe vdekjeve të shkaktuara nga varianti JN.1 dhe variante të tjera në qarkullim të virusit SARS-CoV-2, përgjegjës për Covid-19.
Megjithatë, OBSH ka prezantuar udhëzime të reja parandaluese, që synojnë popullatën e përgjithshme dhe punonjësit e kujdesit shëndetësor. Për të parandaluar përhapjen e virusit dhe për të mbrojtur shëndetin publik, në nivel popullsie rekomandohet:
- Vendosja e maskës në vendet me shumë njerëz, në ato të mbyllura apo pak të ajrosura dhe nëse është e mundur, duke mbajtur një distancë sigurie nga të tjerët.
- Përmirësimi i ajrimit të mjediseve
- Mbulimi i gojës, mundësisht me letra një përdorimëshe, kur teshtini ose kolliteni
- Higjienë e vazhdueshme e duarve
- Vazhdimi i fushatave për vaksinim kundër Covid-19 dhe gripit, veçanërisht për ata me rrezik të shtuar të sëmundjeve të rënda
- Qëndrimi në shtëpi në rast simptomash të gripit apo COVID.
- Kryerja e tamponëve në rast se janë të pranishme simptoma ose në rast ekspozimi me njerëz me Covid-19 ose grip.
Për punonjësit e kujdesit shëndetësor dhe objektet e kujdesit shëndetësor, OBSH këshilloi më tej:
-Përdorimin e vazhdueshëm të maskave në strukturat shëndetësore dhe për operatorët shëndetësorë që asistojnë pacientët e dyshuar ose të konfirmuar se janë prekur nga Covid-19 dhe përdorimin e Dpi për efikasitet më të lartë.
-Përmirësimin e ajrimit në strukturat shëndetësore