shk282024
Rezistenca ndaj antibiotikëve. Identifikohet një bakter i ri në Irlandë
Një bashkëpunim kërkimor prestigjioz në Irlandë, midis Universitetit të Limerick dhe Universitetit Queen në Belfast, ka hedhur dritë mbi një lloj të ri bakteri rezistent. Bakteri u zbulua në ujërat e zeza të spitalit universitar dhe u krahasua me tamponin e një pacienti të shtruar në një nga pavijonet. Studimi, i publikuar në Journal of Hospital Infection, ka zbuluar, përmes testeve gjenomike dhe mikrobiologjike, se lloji i ri është rezistent ndaj shumë antibiotikëve të zakonshëm, përfshirë edhe ndaj atyre që përdoren për baktere rezistente.
Kreu i studimit, Colum Dunne ka evidentuar se si është fokusuar anketimi në zgjidhjen e problemeve konkrete dhe në kërkimin e zgjidhjeve efikase. Bakteret u morën nga një pacient, të cilit iu mor mostra sipas një protokolli sigurie të përcaktuar me mbështetjen e ekipit menaxhues të spitalit. Më pas, studiuesit vunë re se bakteri i zbuluar nuk mund të identifikohej me metodat diagnostikuese që ndiqeshin zakonisht në laboratorët spitalorë. Pra, studimi ka shfrytëzuar të dhënat e nxjerra nga studimi i thelluar i sistemit të ujërave të zeza në spital. Përmes analizave u konfirmua që bakteri ishte i pranishëm në spital dhe se pacienti ishte infektuar pas shërimit. Ekipi i studimit e ka kualifikuar më pas bakterin si anëtar të familjes Pseudicitrobacter, një kategori e identifikuar së fundmi. Studiuesit shpjegojnë se bëhet fjalë për një bakter të ri që i bashkohet kësaj familjeje, pa referime të mëparshme ose izolime nga mostrat e individëve. Departamenti i Shëndetit dhe ekipi i Rezistencës Antimikrobike dhe Kontrollit të Infeksioneve në Irlandë kanë për qëllim t'i mbajnë nën vëzhgim zhvillimet e ardhshme. Irlanda zbaton një qasje të integruar ndaj shëndetit, e cila synon të kundërshtojë rezistencën ndaj antimikrobikëve, në përputhje me praktikat e mira ndërkombëtare. Lufta kundër Rezistencës ndaj Antibiotikëve (AMR) mbështetet nga strategji shëndetësore publike evropiane, të cilat përfshijnë plane veprimi kombëtare dhe ndërkombëtare, duke evidentuar rëndësinë e angazhimit të përbashkët të vendeve anëtare të BE-së dhe OBSH-së.
OBSH-ja e klasifikon AMR-në si një ndër 10 kërcënimet e para në botë për shëndetin publik, duke evidentuar nevojën urgjente për përballimin e kësaj çështjeje të madhe kritike. Të dhënat e OBSH-së për botën tregojnë se rreth 70% e rasteve me infeksion nga bakteret rezistente ndaj antibiotikëve, janë infeksionet që lidhen me asistencën shëndetësore (afro 10 milionë vdekje çdo vit në botë).
https://www.journalofhospitalinfection.com/article/S0195-6701(24)00001-X/fulltext