maj82023

Qelizat beta të pankreasit. Zbulohen dy nëntipa me funksione dhe karakteristika të ndryshme

Artikuj lidhur

23-05-2023 | Te diabetikët, insulinën mund ta prodhojnë edhe qelizat staminale të pankreasit

25-01-2023 | Pse njerëzit me mbipeshë janë më të predispozuar për diabet? Shpjegohet defekti i lidhur me proteinat

22-04-2021 | Zhvillimi i papritur i diabetit pas shërimit nga Covid-19. Shtohen sinjalizimet

Një artikull i botuar në "Cell Metabolism" tregon se ekzistojnë dy nëntipa të dallueshëm të qelizave beta që prodhojnë insulinë, të cilët me karakteristikat e veta dalluese, ndihmojnë për të kuptuar më mirë diabetin e tipit 1 dhe tipit 2.

"Gjatë zhvillimit, qelizat beta, të vetmet që furnizojnë trupin me insulinë, i nënshtrohen maturimit funksional progresiv duke u bërë një nga llojet më jetëgjatë të qelizave në trup, me një jetëgjatësi mesatare prej rreth 30-40 vjet", thotë koordinatori i studimit John Andrew Pospisilik nga Instituti Max Planck i Imunobiologjisë dhe Epigjenetikës në Freiburg në Gjermani, duke kujtuar se prej kohësh dihet që ekzistojnë dallime midis qelizave beta, por, ky është studimi i parë që përcakton qartë dy nëntipa specifikë të këtyre qelizave.

Nëntipat, të përshkruar nga autorët si ßHI dhe ßLO, të cilët ndryshojnë jo vetëm në funksionin specifik, madhësinë, formën dhe tiparet epigjenomike, por gjithashtu shprehin modele të kundërta të shënjuesve sipërfaqësorë, ndihmojnë qelizat të marrin dhe dërgojnë mesazhe kimike, të tilla që qelizat ßHI duket se të jenë më të përhapura në diabetin e tipit 2.

"Të gjitha qelizat ndryshojnë në një farë mënyre, por këta dy nëntipa janë thelbësisht të ndryshëm nga njëri-tjetri dhe kryejnë dy funksione të ndryshme, por të nevojshëm si prodhues të insulinës. Ata janë si specialistë të vërtetë, secili ka rolet e veta. Të kuptuarit e plotë të karakteristikave të këtyre dy llojeve të qelizave dhe marrëdhëniet e tyre të ndërsjella na japin një pamje më të qartë të diabetit duke ofruar, ndër të tjera, edhe mundësi të reja trajtimi", shpjegon studiuesi.

Sipas autorëve, hapat e ardhshëm të rëndësishëm do të jenë verifikimi nëse ndryshimet midis qelizave βHI dhe βLO mund të shfrytëzohen për strategjitë e zëvendësimit të ishujve të bazuar në qelizat staminale dhe të verifikohet nëse dy nëntipat e qelizave beta janë të disrregulluara në mënyrë preferenciale në diabetin klasik dhe nëntipat e përshkruar së fundmi.

Cell Metabolism 2023. Doi: 10.1016/j.cmet.2023.03.008
https://doi.org/10.1016/j.cmet.2023.03.008