maj302017
Skleroza multiple, fampridine merr autorizimin evropian për të përmirësuar demabulizimin
Komisioni Evropian (KE) ka dhënë autorizimin standard për hedhjen në treg të fampridinës tablet me lëshim të zgjatur, për të përmirësuar demabulizmin te personat e prekur nga skleroza multiple (SM). Lajmin e jep Biogen që nënvizon se si aprovimi është dhënë në bazë të rezultateve të një studimi të fazës 3 (Enhance) që ka konfirmuar përfitime klinikisht domethënëse dhe sigurinë afatgjatë të fampridinës në pacientët me SM recidivante dhe progresive.
Studimi Enhance është zhvilluar pas dhënies së autorizimit të kushtëzuar për emetimin në treg të fampridinës nga Komunitetit Evropian në vitin 2011. Bari mund të përdoret në monoterapi ose në kombinim me terapi të tjera ekzistuese, duke përfshirë ato imunomoduluese.
"Rreth 80% e njerëzve të prekur nga SM vuajnë nga një funksion i reduktuar deambulator, një nga problemet më të zakonshme të shkaktuara nga sëmundja. Shpesh pacientët na thonë se vështirësia për të ecur kompromenton pavarësinë e tyre, kufizon aftësinë për të punuar dhe ndikon negativisht në cilësinë e jetës në përgjithësi, - shprehet Jeremy Hobart, neurolog pranë Plymouth Hospitals NHS Trust. - Rezultatet e studimit ofrojnë prova të mëtejshme të efikasitetit të fampridinës në trajtimin e SM dhe konfirmojnë atë që ne klinicistët kemi mundur të vëzhgojmë gjatë trajtimit të personave të prekur nga kjo patologji. Fampridina mundëson në fakt arritjen e një përmirësimi klinikisht domethënës të aftësisë për të deambulizuar përveç se në aspekte të tjera më të përgjithshme të cilësisë së jetës".