sht242019
Migrena dhe frika e mbetjes pa ushqim: dy probleme që ushqejnë njëra-tjetrën
Profesionistët e shëndetit që kujdesen për pacientët me migrenë, duhet të marrin në konsideratë mundësinë e kryerjes së një skrinimi për pasiguri ushqimore, një situatë që mund të kontribuojë potencialisht në përkeqësimet e migrenës dhe të bëjë të njohura programe të tilla si Programi i Ndihmës Nutricionale Plotësuese (i njohur më parë si Programi i Pullave Ushqimore). Kështu kanë deklaruar autorët e një letre kërkimore të botuar në "JAMA Neurology".
"Pasiguria ushqimore ndodh kur një person shqetësohet se nuk do të ketë para të mjaftueshme për të blerë ushqim. Ne e përcaktojmë atë si një qasje të kufizuar ose të përhershme ndaj ushqimeve të përshtatshme në nivel ushqimor e të sigurta dhe e shohim atë të shoqëruar me ngjarje të shumta fizike dhe rezultate të pafavorshme të shëndetit mendor", shpjegon Jason Nagata (Universiteti i Kalifornisë, San Francisko).
"Një në gjashtë vetë vuan nga migrena në Shtetet e Bashkuara dhe ky çrregullim lidhet në mënyrë të kundërt me të ardhurat e familjes; megjithatë, pak dihet për lidhjen midis pasigurisë ushqimore dhe migrenës, veçanërisht te të rinjtë në vendin tonë", shton ai. Studiuesit përdorën të dhëna përfaqësuese në shkallë vendi për të shqyrtuar lidhjen midis pasigurisë ushqimore dhe migrenës te të rinjtë amerikanë që përballen me një periudhë tranzicioni ekonomik në periudhën e përfundimit të arsimimit dhe fillimit të punës. Studimi përfshiu pothuajse 14.800 të rinj të moshës 24 deri në 32 vjeç.
Në përgjithësi, 11% e të rinjve u gjendën në një situatë pasigurie ushqimore dhe migrena ishte më e zakonshme mes atyre që e kishin këtë problem. Sipas ekspertëve, pasiguria ushqimore mund të shtyjë drejt disa faktorëve që shkaktojnë migrenë, duke përfshirë kalimin e vakteve, stresin, depresionin dhe gjumin e shqetësuar. Dhe migrena, nga ana tjetër, mund të kontribuojë në pasigurinë ushqimore duke shkaktuar prani dhe produktivitet të ulët në punë, me pasojë, humbjen e punësimit.
JAMA Neurology 2019. Doi: 10.1001/jamaneurol.2019.1663
https://jamanetwork.com/journals/jamaneurology/article-abstract/2736340