jan312022
Karditi dhe vaksina anti-Covid-19. Rreziku shtohet në disa kategori. Ja, te cilat
Pavarësisht rrezikut të ulët absolut, ekziston një rrezik relativ i rritur i karditit të lidhur me vaksinën Pfizer/BioNTech, sipas një studimi të botuar në Annals of Internal Medicine. "Rastet e karditit pas vaksinimit me vaksinën Pfizer janë shtuar globalisht. Disa studime kanë raportuar rezultate të ngjashme, por kërkimet analitike mbi lidhjen që ekziston, janë të kufizuara", thotë Francisco Tsz Tsun Lai, nga Universiteti i Hong Kongut dhe nga Laboratory of Data Discovery for Health (D24H), Hong Kong, autori kryesor i studimit.
Për të sqaruar situatën, studiuesit vlerësuan 160 raste të pacientëve me kardit dhe 1533 pacientë kontrolli, për të ekzaminuar rrezikun e mundshëm të karditit të lidhur me vaksinimin me Pfizer ose CoronaVac. Pas kryerjes së analizave, autorët gjetën 20 raste të karditit të lidhur me vaksinën Pfizer dhe shtatë të lidhura me CoronaVac. Pacientët që morën Pfizer kishin tre herë më shumë gjasa të vuanin nga karditi sesa pacientët e pavaksinuar, ndërsa ata që morën CoronaVac kishin më shumë gjasa të zhvillonin një patologji të ngjashme me atë të pacientëve të pavaksinuar. Ekspertët vunë në dukje gjithashtu se rreziku i shtuar i lidhur me Pfizer-in ishte mbizotërues te meshkujt dhe u vëzhgua më lehtë pas dozës së dytë.
Incidenca kumulative e karditit pas vaksinimit ishte 0,57 për 100,000 doza të Pfizer-it dhe 0,31 për 100,000 doza të CoronaVac-ut dhe këto shifra treguan një rrezik absolut shumë të ulët të karditit pas vaksinimit. Sipas autorëve, asnjë nga 20 pacientët me kardit pas vaksinës Pfizer nuk u shtrua në terapinë intensive dhe nuk vdiq brenda periudhës së vëzhgimit, krahasuar me 14 nga 133 pacientë të pavaksinuar të shtruar në terapinë intensive dhe 12 vdekje në grupin e fundit. Megjithatë, duke marrë parasysh rrezikun e shtuar të karditit tek adoleshentët pas dozës së dytë, studiuesit besojnë se strategjitë e vaksinimit mund të jetë e nevojshme të vlerësojnë vazhdimisht rreziqet dhe përfitimet për nënpopullata të ndryshme, në vend që të miratojnë një qasje të vetme që u përshtatet të gjithëve.
Annals of Internal Medicine 2022. Doi: 10.7326/M21-3700
http://doi.org/10.7326/M21-3700